قصيدة جار علينا الهم ياربي تلطف للشيخ بشير التهامي

لَهْمُومْ فْشَاتْ فِي تْرَاكُمْ يَا عَـــارَفْ * تَتْهَاطَلْ مَتّْــــــرَادْفَا* مَا بَاقْيَ قَايْمَة تْعَافَرْ وَ الْبَدْنْ ضْعِيفْ.. ألضَّرْبْ قْوَى كْثِيفْ صَوْبُه مَتْخَـالَفْ * صَالَبْ سِيفِي حْتَى حْفَى* جَافِي نُّومْ الْعْيُونْ زَادْ الْعَقْلْ تْهَتْرِيـفْ.. نُوبَــا مَحْفُوظْ لَاخْرَا دَمِّـــي يَنْـزَفْ * نَعْثَرْ وَ نْقُــــومْ بَالْعْفَا* مُومَنْ مُصَــابْ سَائْلِينْ اللَّــه التَّخْفِيفْ.. سَاعَاتْ يْجِي الشُّــومْ لَلدَّارْ يْزَرْنَفْ * عَيْبُـه مَكْشُوفْ مَا خْفَـــا* يَرْكَلْ الْبَابْ جُورْ عَازَمْ يَدْخُلْ بَالسِّيفْ.. ألْجَايَحْ كَانْ طَاقْ مَا يَصْفَحْ وِ يْعَفْ * غُلْبْ البَقْرَة الشَّـــارْفَة* وَ الرَّاجَلْ كُلْ مَا قْدَرْ مْسَامَحْ وَ ضْرِيفْ.. التِّبْرْ الْحُرْ مَا يْحُولْ وْ يَتْشَطَّفْ * النحَاسْ بْلَمْعَة مْسَلّْفَة* مَا يَبْلَغْ صَنْفْ الذّْهَبْ وَ لُو بَالتَّزْيِيفْ.. دَرْقُوا لَحْبَابْ في الْوْسَعْ كُنْتْ مْكَاتَفْ * فِي الضِّيقْ عْطَاوْنِي الْقْفَا* مَا نَجْدُونِي بْفَعْلْ وَ لَا بَلْسَانْ لْطِيفْ.. مَكْثَرْ احْبَابْ ذَالسّْخِي مَخْرُومْ الْكَفْ * مُولْ الْخَيْمَه الْوَاقْفَــة* يَبْقَى مَتْلُوفْ كَانْ يَنْسَفْهَا رِيحْ عْصِيفْ.. الخماسة : جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا* ارْفَــــقْ بِينَــا وْ لَا تْحَــافِينَا يَــا لَطِيــــفْ.. عَزْ الشَّجْرَة عْلَى الْغْلِيلَة مَتْوَقَّفْ * لَمَّا تَنْفَضّْ تَنْطْفَى* تَصْبَحْ مَهْجُورْ بَعْدْ تَتْعَرَّضْ للَتَّتْلِيفْ.. ألشَّجْرَة لُو زْبَرْتْهَا لَا بُدْ تَخْلَفْ * تْجِي غَلَّتْهَا مْتَحْفَة* وَالْفُقْرْ حْلِيفْ كُلْ حَطَّابْ وْفِيهْ قْذِيفْ.. خَدْعَة في الْبِيعْ وَ الشّْرَا زِيدْ الْمُوقَفْ * مَا بَاقِي صِـدْقْ لَا وْفَا* لَا رَجْلَةْ صِدْقْ تَنْذْكَرْ لَا نَخْوَة لَا نِيـفْ.. فِي تَاخِيـــرْ الزّْمَانْ الْخِيرْ تْسَــلَّفْ * تَتْقَايَضْ كُلْ هَـــــــادْفَة* تَتْدَاوَلْ بِينَّا السّْوَايَعْ وَ تْـدُورْ خْفِيـــفْ.. الْعَرْضْ نْبَاعْ في الزّْنُقْ كُلْ صْنَايَفْ * وَ اسْوَاق الذَّلْ وَ الْجْفَا* وَ الشَّارِي لَلْحْرَامْ يَخْتَارُه بَالتَّصْنِيفْ.. ألْفَسْـقْ قْـوَاوْ لُه نْوَاعُه زَادْ الْكَشْــفْ * في الشَّطْ النَّاسْ كَاشْفَا* لَا سِيَّــامَا مْعَ السّْخَانَة وَ زْمَـانْ الصَّيْفْ.. مَكْسِيَّة وْعَارْيَة وْ لَبْسْ الْمَتْقَصَّفْ * تَمْشِي كِي شَارْدْ الْعْفَا* وَ تْثِيرْ قْلُوبْ خَاشْعَة تَرْغِيبْ وْتَخْوِيفْ.. يَبْلَغْ الْوَرْدْ فِي كْمَامُه يَتْجَلّــــــــــَفْ * اوْرَاقُه تَذْبَالْ تَنْقْـــفَى* تَذْرُو بِيهْ الرّْيَاحْ مَنْ لَا يَبْقَى لُه طِيفْ.. الخماسة : جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا* ارْفَــــقْ بِينَــا وْ لَا تْحَــافِينَا يَــا لَطِيــــفْ.. مْحَبَّةْ ذَا الْجِيلْ جَاتْ كَالْحَرْثْ النَّـاشَفْ * أرْضُه سَبْخَا مْطَرّْفَة* مَا لُه غَلَّة تْفَرّْحَكْ مَا تَسْتَنَّى صَـيْفْ.. طَايَشْ ذَالْجِيـلْ مَا رْزَنْ رَايُـه تَالَفْ * مَنْهُمْ فِي الْغَسْقْ وَالْخْفَـا* وَ اللِّي غَــابُوا عْقُولْهُمْ بَالنَّشْوَا وَ الْكِيـفْ.. خُفْتْ الْخَلْفَاتْ مَا تْشَرَّفْ السَّلَـــــــــفْ * وْ خُفْتْ الْمَشْعَالْ يَنْطْفَى* مَنْ لَا صَبَّطْ بَاشْ يَتْحَذْرَى مَ التّْنَقْرِيفْ.. و الْبَعْـضْ كْبِيرْ شَاعْ قَــارِي وَمْثَـَّقفْ * لَا ذِكْرْ قْلُوبْ نَاشْفَا* تَبْعُــوا شِيطَــانْ حِينْ قَالْ الدِّينْ تْخَارِيفْ.. وَ الْبَعْــضْ هْبِيلْ حِينْ يُوعَــدْ يْخَالَفْ * يَتحَرّكْ بَالْمْصَـــادْفَا* مَا لُه مِيثَاقْ وَاهْ وَلَا لَا لَا كِيفْ كِيفْ.. وَ الْبَعْــضْ فْتَى وْ بِيه كِي يْقُولُوا يَعْـرَفْ * بْلَا عِلْمْ الْفِقْهْ لَا وْفَا* إِيحَلَّـــلْ الْحْرَامْ وِ يبَرَّرْ لَا تَكْلِــيفْ.. ألْجَهْلْ غْزَى مْنَابْرْ الْعَزْ قَبْلْ الصَّفْ * تْقَدْمُوا غَشْمَا مْكَلّْفَا* حَتَّى صَارْ الْبْصِيرْ يَسْتَنْجَدْ بَالْكَفِيفْ.. لَلْعُلَامَا كْلَامْ يَجْرَحْ وِ يْخَوَّفْ * لَا طَايَعْ بَالْمْسَاعْفَة * مَا يَخَّضْعُوا لْعُرْفْ آوْ الدِّينْ الْحَنِيفْ.. الخماسة : جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا* ارْفَــــقْ بِينَــا وْ لَا تْحَــافِينَا يَــا لَطِيــــفْ..

هذه القصيدة للشاعر بشير التهامي هي قصيدة في "الموعظة والشكوى"، يصف فيها الشاعر فساد الزمان وتدهور الأخلاق، ويناجي الله طالباً لطفه ورحمته.

المقدمة: شكوى الشاعر

يبدأ الشاعر بوصف حاله، فالهموم قد تكاثرت عليه، وجسده قد ضعف. هو في صراع دائم، وسيفه (صبره) قد تآكل. يشكو من غدر الأصدقاء الذين كانوا يحيطون به في وقت الرخاء، ثم تخلوا عنه في وقت الضيق.

الخماسة: دعاء واستغاثة

تأتي اللازمة (الخماسة) كدعاء واستغاثة: "جَــارْ عْلِينَا الْهَــمْ يَـا رَبِّ تَلْـطُـــفْ / مَا باقِيْ نِيّْةْ الصّْفَا / ارْفَــــقْ بِينَــا وْ لَا تْحَــافِينَا يَــا لَطِيــــفْ". يشكو الشاعر من أن الهم قد طغى، وأن نية الصفاء قد انعدمت، ويطلب من الله اللطف والرفق.

نقد اجتماعي لاذع

ينتقد الشاعر عصره، فيرى أن الخداع قد انتشر في البيع والشراء، وانعدم الصدق والوفاء والرجولة. العرض أصبح يباع في الأسواق، وانتشر الفسق، خاصة في فصل الصيف. يصف "الكاسيات العاريات"، ويحذر من أن الجمال زائل كالورد الذي يذبل.

فساد الجيل

يصف الشاعر جيل زمانه بأنه "طائش" و "تالف"، وعقولهم غائبة بسبب "النشوة والكيف" (المخدرات). يخشى أن يسيء هذا الجيل إلى سمعة الأسلاف، وأن تنطفئ شعلة الدين. ينتقد المثقفين الذين لا يذكرون الله، والجهلة الذين يخلفون وعودهم، ومن يفتي بغير علم فيحلل الحرام. يرى أن الجهل قد سيطر حتى أصبح البصير يستنجد بالكفيف.

• فْشَاتْ: انتشرت.
• تَتْهَاطَلْ: تتساقط بغزارة.
• تْعَافَرْ: تقاوم.
• صَالَبْ: صارع وقاتل.
• حْفَى: أصبح غير حاد.
• تْهَتْرِيفْ: هذيان.
• يْزَرْنَفْ: يدخل بعنف.
• جَايَحْ: أحمق.
• يَتْشَطَّفْ: يفقد لونه أو قيمته.
• مْسَلّْفَة: مستعارة.
• مْكَاتَفْ: محاط بالأصدقاء.
• مَخْرُومْ الْكَفْ: كريم جداً.
• مَتْلُوفْ: تائه، ضائع.
• عْصِيفْ: عاصف.
• تْحَافِينَا: تتخلى عنا.
• الْغْلِيلَة: الشجيرة الصغيرة الضعيفة.
• زْبَرْتْهَا: قلمتها.
• حْلِيفْ: حليف، ملازم.
• قْذِيفْ: فقر شديد.
• هَادْفَة: تافهة.
• صْنَايَفْ: أصناف.
• الْكَشْــفْ: كشف العورات.
• مَتْقَصَّفْ: قصير جداً.
• الْعْفَا: الغزال.
• يَتْجَلّــــــــــَفْ: يتقشر.
• تَنْقْـــفَى: تتساقط.
• تَذْرُو: تذروه الرياح.
• طِيفْ: خيال.
• سَبْخَا: أرض مالحة لا تنبت.
• مْطَرّْفَة: على جانب الطريق.
• الْغَسْقْ: الظلام.
• الْكِيفْ: المخدرات.
• الْمَشْعَالْ: الشعلة.
• تْنَقْرِيفْ: النقد الهدام.
• غَشْمَا: جهلة.
• مْكَلّْفَا: متكلفة.
• الْكَفِيفْ: الأعمى.